Suche
Beitrag User
 
 
Thema: Rammbüggl
| |

Antworten zu diesem Thema: 345

Zurück
1 2 3 4 ... 33 34 35


erstellt am 23.04.02 04:25
Liebes Tagebuch

ich weiß, das ich hier ganz, ganz alleine bin. Aber vom bösen Max lasse ich mir nich' sagen dass wir hier keine vier Stellen kriegen. Dann machen wir hier halt ein Egozine drauss. Das hamm die dann davon, nich.

Danke liebes Tagebuch, und das wird ganz nett un' lieb un' kuschelig, wie dem Morpheus sein Plüscheckchen middie Fragen an' die Autoren un' so.

Un' wenn die bösen Buben kommen, schliessen wir ganss feste ab.

erstellt am 24.04.02 03:13
Liebes Tagebuch

Hallo

heudde war ein gans, gans doller Dag.

Da hamm die aishoggeyblayers die juesäi gans digge ferdiggmachd, midd ihrm fünfdsudrei. Und da hamm die Amiss noch ausgeglichn, und dann hassde gedocht, edzd is alles verreggd, und das lassn die sich nimmer biedn, die amis, aber dann sin die nuchmal kommä, die Jungs, un hamm noch dzwai dore gschossn, na da is abbä die Baadie abgangn.

Abbä hoid habb ich fai mai Vadääland gans furchtboä liieb, gell liebäs Dagebuch.

Un da konn deä Maggs schimbbfn wieä will, abbä miä kriägen nuch dieä fiä schdelln, gell doogebuch

erstellt am 25.04.02 02:39
Liebes Tagebuch:-DD

da sinn edzd doch nuch a baar Leud neikummä, na ja, deä aane hodd nedd fränggisch reedn könna, obä deä anneä hodds kabbieäd.

Mai lieäbba Froind, des is gans ainfach mid dem fränggischn, do mussd hold alläs laud nochschbrechn, nachä kabbieäsd des scho, wieäs gmoind is.

Un ainä hodd des scho kabbieäd, wieä des so is. Abbä do kummd deä nedd aus deä köllschn Eggn, weil do homm diä immä gedocht ich weä a Schwoob. A Schandn is des. *Wuudanfall grieg. Des Gfraasch*

Edzd homm di bösn Buum wieädä gschdörd, mai Dagebuch. Morgn eäzääl i dieä, warum des so a guude Sach is, weil Leewerguusn do ihr dzwaidzwai gmochd homm.

Dai Rammbüggl;)

Un dem Maggs machn miä dii vieä*wie heisst fränkisch grins. Egozine)*

erstellt am 26.04.02 04:29
Liebes Tagebuch

No däss woor wiedä a schbonnender Dooch, Dagebuuch.

Do hood mieä aanä veäsuchd, aan Virus naidzuklemmbneän. Dzueäsdd hobb ich gedoochd, des weä wieäddä dieässa Dschonni, abbä des Ding woä doch dzu raffiniäd für deen.

Un dan hobbich geädoochd, ich hädd des ding eäleedichd, abbä hoid hadds miä beim buudn aa wieädda alles dzamghaud. Doo is deä Dschonni doch nedd gleffä genuch dadzu.

Naioo, edzd habb ich na, glaub ich zumindääsd. Übbers Adressbuch geed der jedenfalls nedd, also kaa Baanigg.

Aa im Mommend dziemlich mordlussdigeä Rammbüggl

Niggs füä unguud

erstellt am 27.04.02 03:39
Liebes Tagebuch

Liääbes Daagebuch,

hoid is des fai echd schwirig. Do hobb ich miä a baä lusdigge sachnn dzurechdgeleegd, un deä nil koo fränggisch veäschdeen, un sai scheff woä aanä, und dann bassieäd des Dsoich in Eäfuurd.

Do hobb ich fai aa lange Dsaid nochgedochd, obb ich hoid was schraimn soll, weil dess midd dem dialeggd is so meä humoäfoll, und des bassd edzäd fai nedd, obä dann hobb ich miä gsoochd, desweeng, weilsd jeddsd niggs bousdn duusd, da kommd aa kannä fu di Obffä dsurügg.

Ich fraach mich nuä, wos des edzäd füä Dzaiddn sin. Do hammä uns aa immä graaft, obbä wenn aanä am Boodn woä, dann woä finnido. Un baim Barras, do woo iich a dzaidlong woä, da hamms miä vom Anfang oo eighämmerd, und des hobb ich nachä aa midd meine Annäen brobieät, dos do Mordinsdrummende ind deinä Händ hosdd, und selbsdd wenssd nachäd in su aan Einsadds naigehhsd, donn überleech draimool, was edzd midd daim Dsoich veäanschdalldn duusd.

Un dann laadschn su Diinäidschä do nai un schiessn alles um, nuä weil deenä wos nedd bassd.

Du hobb ich fai hoidd lang übäleechd, ob ich was naiseddsn soll, abbä wenn ich des lassn duun däde, dann wird dii Weldd aa nedd bessä

A selbstauferleechde Schweiggeminuude, und ieä bidde auch

Rammbüggl

erstellt am 10.05.02 02:50
Liebes Tagebuch

Na, doo hobb iich weidä unndn duch daddsächlich Nisdlroi naigschriim schdodd Hoidongg. Edsd hobb iich nedd nuä main faidd midd deem blöödn Aldsshaimä, sundern aa nuch midd maim Kurdssdsaidgedächdniss.

Abbä hoid hobb iich fai aan gedroffn, deä woä aa in aane foo dii Gaarnissonän, wu iich aa ämoll woä, und homm drüber rumgedsedeäd, wail dii deä Schaahbing, dichdgmoochd hodd, deä Saugrübbl.

Wenn deä nedd daueänd nooch Mallorga dscheddn däd, midd saanä Fluugberaidschoffd, dunn weä fai meä Gneede do. Da sull deä duch aa ämoll mid derä GONDOOR fliing, wii a jedä annerä aa.

Noja, da däädns na hold glai erkennä un füächderlich beschimbbfn, abbä des mochd deem niggs, des is deä jo vom Schrödeä heä gwoond.

Wenns donn schbädä gnuch gsuffn hom, weäns hold a weng rabiadä, abbä doo kunn deä sich jo deen Ressd vum Fluuch nai deä Doileddn eischliisn.

Wenns na denn nuä nedd nunder dsämm Ballämoo 6 schlebbn un na a boormoll nai su an Boddich mid Sangria naischmeissn, weil dii ghöäd homm, dos deä gern immä a weng in diversn Flüssichkaidn rumblandschd.

Donn hodd deä abbä saanä "Gräfin Pelati", oddä wia aa immä dii haasn moch, ordndlich wos dzu erkläärn, wenner do su middn in deä Nochd oogedadsd kummd und scho aus zwaahundeäd meedä nooch Sangria schdingn duud.

erstellt am 10.05.02 04:03
LiebesTagebuch

Edzd muss iich duch noch an dswaadn Eidrooch naihaun, um die baar Nummeän audzuhooln, duud miä laid, liibäs Doogebuch, iich waas, du willsd aa scho schloofn, abbä was mutt, datt mutt, wiä dii doo droom soogn, solangsd übahabbds aan glaabn koosd, deä nuch am Oobnd moin moin soochd.

Iich hobb gädochd, iich eädseel diä, worum des Horroä-Dsoich des fiil aanfachä mochd midd dii Maadlas.

In deenä Diinäidschä-Dsaidn wöärn dii nämmlich fuachdboä gommblidsierd. Doo woä mer sich sümbaadisch und hossd foo baidn Saidn heä gwussd, do lääfdd wos, abbä su aanfach wöä des fai nedd.

Wennsd do midd annä oomnds wechgannge bissd, is in deem Mommend, woos dich naagseddsd hosd, deä Gaund-Daun ooglaffä. Nadüälich hodd dii Maddam nur rumgsessn und hodd goäniggs gmochd. Dann hossd bei ieä a Schdardfensdä foo ca. drai Schdundn. Veäschuchsd in derä Dsaid niggs, mochd dii sich fom Aggä un du braachsd sii fai ka dzwaadsmol dsä biddn, dii is foreffä wech.

Abbä wosd a gmochd hosd, es woä feäkeäd, weil dii gedenkt hodd, du weäsd a Delebaad odä su.

Maggsd niggs, moggsd aa niggs feäkeäd. Alsu mussd des Maadla dodsu bringn, dos dii in Aggdsion dridd. Un edzd is deä Hooroä nais Schbiil kummä.

Dzueäsd simmer midd die Gliggn nai su an Sbläddä-Dzommbii Film nai, dii woo damolls immä su um Draiundddswandsig Uuä in dii Kinos glaffn sin. Des woä abbä nuch niggs, wail do hommä uns nuä übeä dii lausign Driggs un dii saublöda Handlung doodglochd, des hädd in Bedsuch aaf dii Maadlas a Bambi saa könnä.

Abbä wiä miä wideä draun woärn, homm miä uns übeäleechd, edzd könnd meä duch nuch a weng su um Middänochd aaf dem Friidhoof schbadsieän geehn. Do homm dii Maadlas dunn scho a weng des rumdiskudiän oogfongd, abbä middn in diifsdeä Nochd woldns aa nedd allans nuch haus schlabbn.

Aafn Friidhoof hosd aan Meedä neem dannä Annerän schdeen könna, obeä dii woä diä mid aam Bannder-Sadds am Hols ghängd un du hässd sii goänimmä loosgrichd, wennsd gewolld hässd.

Odä deä Hain woö nochds seä beliibd, midd saana fiil Baam, do woos dazwischn schdoggfinsdeä woär. Nuä deä Dschimmi hodd mol Bech ghobbd. Do hodd sai annarä no scho fesdd am Orm ghobbd un fraach laichdsinnigerweis, wos do des Sail dzu bedeudn hädd, des woo dahindn am Baam rumbabbd. Un deä Dschimmi soochd nuch, obs ka Dsaidung gllesn hädd, do hodd sich duch gesdeän aanä aufghengd, den homs wech, ober anschainend homms den Schdrigg feägessn.

Obä anschdodd sich nochäd aaf na dzu schdürdsn schburrded dii blöddslich loos un lechd aan saubern Schbrind hii. Nu is deä Hain schdoggdungl, wail doo so fiil Baam schdeen, also is sii nedd waid kummä, befoä sii in aanen naigekrochd is.

Iich waas nuch, wii iich mid aanä nain Hain naigschlabbd bii. Bis woos dunggl gworn is, hammä bloos Händla gholdn. Nochäd hodds sich scho aighaakt un an an noogedrängld. Donn woäs naiif gnuch, um miä a boää Glühwürmla dzu dzaing, un iich hobb iir derdzääld, dos donn do irgnwonn mool a boää Leud gschdorm sai müssn, weil dii schluggn donn deä iira Seeln un blaim immä am Oord des Doodes dsärügg. Ob du hobb iich nachädd aan Ruggsagg ghobd, un wii meä nachäd widä in Sicheähaid woän, hodds donn aa nimmä loosglassn.

Siggsd, libäs Doogebuch, su hilfd des Hoorä-Dsoich. Un die annerän woän nai su aan Bisdro ghöggd un hom drai Schdund long alläs veäkeäd gmochd.

Auweh, a weng long. Do binn iich edzd widä nais Nosdalgieern kummä.

Liibes Doogebuch, aaf aamoll füül iich mich sooo old (Schluchds)

erstellt am 12.05.02 02:07
Liebes Tagebuch

Also hoid fälld miä fai goarniggs ai, wail iich deen gondsen Oomd long des blöda Boggalendschbiil gseng hob.

Als Glubbereä hädd iich aingdlich deenä Schalger dii Dauma drüggn müssn, abbä aaner Monnschoffd, wu des Schaddsilein, deä Möllä Andi, middschbiiln duud, deä drügg iich goarniggs aussä mai Bailaid aus.

Vendsäreemos

Rammbüggl

erstellt am 13.05.02 02:44
Liebes Tagebuch

Na bai unns schaind ja nuch des aandzige dsu sai, do wu sich wos beweechd, siid meä mool fonn deä bsüchologischn Beraadung baim Nomensfeddä obb. Wiäffd doo deä Duumsdäi sho saina Schaddn übä däs Foorum?

Hoid is miä sch widdä aa 666-Audo aufgfalln. Des woä foor aan gnabbn joä, do is miä a gans schwoäddsa Waagn aufgfolln, deä wu vo auseähalb kummä is un als Dsool aafn Nummänschild 666 ghobbd hod. Do hobb iich miä aan gegrinsd, wail deä woor direggd voä aana Kerrgn (o.k.Translation:Kirche) gsdondn.

Abbä on deem Dooch hob iich nuch fünfä foo deene nai deä Schdood rumgutschiärn seen. Foo gans Doidschlond, allä schwards un allä dii 666 im Nummänschild. Irgnwonn mus iich edsd mool welchä fraang, wos des dzu bedeudn hodd, wail des is fai kaa Scherds. Un allä woän digge Brummä, su Merdsedes, Audi, Beemwee un aa Borschä.

Nuä deä hoid woar a simbler Gorsa, offnsichdlich mochd dii Bendsinbreiserhöung aa deena dsu schaffn.

Irgndwonn weär iich mool a baar gleffäre Loid froong, wus des edsäd dsu bedoidn hodd

Un des woor die Nummä foo hoid

Wendsäreemos

Rammbüggl

erstellt am 14.05.02 03:32
Liebes Tagebuch

miä baggn des. Nuä nuch aa baar hunneäd Aindrääch un wiä homms gäboogd. Su langsom drügg iich fai Wambiere dii Dauma, das des nuch soolang duächhäld.

Un falls nedd, homm miä dzumindesd aa Dolchsdosslegendn. Übeäoll im deene Wambirefooren is ruh, nuä im alläs übbä Wambiere handiern dii nuch a weng rum, abbä do lieegn miä aa nuch waid genuch in Füürung, um rechdsaidig nuch reagiern dsu könna. Un des allans gechä allä.

Die gannsn Foorn im Gooma, nuä aa klaans leisdedd nuch hefdiggn Wideästondd. Do könnä miä edsd midd schdoldsgeschwellder Brusd nai dii Haia geehn und iich konn diich füä hoid dzuschloong, daagebuch.

Weendsäreemos

Rammbüggl

Zurück
1 2 3 4 ... 33 34 35

Top

Sie interessieren sich für unsere aktuellen Meldungen? Hier finden Sie die neuesten Informationen rund um unsere Verlagsprodukte.
mehr ...
 
Hier finden Sie wichtige Informationen und Hinweise zur Registrierung und der Struktur des Bastei Forums.
mehr...
Content Management by InterRed